கானல் தேசம் ஏற்புரை – கான்பராவில் பேசவிருந்தது.


ஆங்கிலத்தில் pregnant pause என்று ஒரு வார்த்தையுள்ளது . அதாவது கேள்விக்கு பல பதில்களை வைத்தபடி கேட்பது. உதாரணமாக- do you love me ? என்றால் அதற்கு பல பதில்கள் இருக்கலாமல்லவா? அப்படியான கேள்வியைக் கேட்டு விட்டு பதிலுக்காக காத்திருக்கும் அந்த இடைவேளை pregnant pause என்பது.

அதேபோல் பல உண்மைகளைத் தெரிந்து கொண்டு பேசாமல் இருப்பது மிகவும் கடினமானது . அதிலும் பத்திரிகை ஆசிரியராகவும் பின்பு ஒரு நாவலாசியராக மாறிய எனக்கு அப்படியான கர்ப்பமான உணர்வு உருவாகியது மே 2009 பின்பாக . அதன் விளைவே கானல்தேசம் எனும் நாவல்.

கற்பனையில் உண்மையில்லை என்று வாதாடுபவர்கள் மத்தியில் கானல்தேசம் ஒரு கற்பனையான நாவல் என்ற உண்மையை இங்கு வைக்கிறேன்.

வரலாறு ஆற்றில் ஓடும் தண்ணீர் போன்றது. நீங்கள் அள்ளிய தண்ணீர் , நான் அள்ளிய தண்ணீரல்ல . முற்றிலும் வேறானது. உண்மைகளே வேறாக இருக்கும்போது கற்பனைகள் , சிந்தனைகள் எவ்வளவு வேறுபடும்? . இதை ஏன் இப்படி கற்பனை செய்தாய் என்றெல்லாம் கேட்க முடியாது. 60 மில்லியன் வருடங்கள் முன்பாக அழிந்த டைனோசரை வைத்து ஹோலிவூட்டில் படம் எடுத்திருக்கிறார்கள். அதே போல் பல வருடங்கள் முன்பாக சென்று ஸ்ரார் வார் ( star War) படமெடுக்கும்போது பத்து வருடங்கள் முன்பாக நடந்த இலங்கைப் போரை வைத்து கற்பனை செய்யக்கூடாது என்பது என்ன நியாயம் ?

நான்அறிந்த விடங்கள் பல. அதில் சில

2006 ஆண்டு போர் தொடங்கு முன்பே அவுஸ்திரேலிய வெளிவிவகார அமைச்சின் அதிகாரியாக இருந்தவர் இலங்கையின் வெளிநாட்டு அமைச்சின் செயலாளராகிறார்.

2004 இல் அவுஸ்திரேலியாவில் சுனாமிக்கு சேகரிக்கப்பட்ட பணத்திற்கு இரு வருடகாலமாக வலை விரிக்கப்படுகிறது. 2007 இல் இங்கு அதற்கு பொறுப்பானர்கள் சிலர் கைது செய்யப்படுகிறார்கள்.
சேகரிக்கப்பட்ட பணம் அவர்களை பாதுகாக்க இங்கு செலவாகிறது.

விடுதலைப்புலிகளின் கப்பல்கள் சம்பந்தமான துல்லியமான அறிக்கை இலங்கைக்கு செல்கிறது.

போர்கப்பல்களில் இருந்த எரிபொருள் பற்றாது என்பதால், எரிபொருளை வேறு கப்பலில் கொண்டு சென்று, ஆழ்கடலில் பல நாள் காத்திருந்து, இலங்கை கடற்படை விடுதலைப்புலிகளின் ஆயுதக் கப்பல்களை பூமத்தியரேகையின் அமைதியான கடல்ப் பகுதியில் மூழ்கடிக்கப்படுகிறது .

மலாக்கா நீரணை அந்தமான் பகுதிகளை அவுஸ்திரேலிய வேவு விமானங்கள் அமெரிக்கா சார்பில் உளவு பார்க்கின்றன.

2009 may 16 சனிக்கிழமை ஐந்துமணியளவில் தலைவர் பிரபாகரன் பிடிபட்டதாக எனக்கு தகவல் வருகிறது. உடனே உதயம் ஆசிரியரானதால் அந்தத் தகவலை வைத்து கோத்தபாய ராஜபக்‌ஷவிடம் போன் பண்ணி கேட்டேன் – அவர் அதை மறுக்கிறார் .

ஞாயிறு காலையில் எனது இந்திய நண்பரிடமிருந்து ஒரு ஈ மெல் வருகிறது – இந்திய உளவுப்பிரின் தகவலின்படி ஈழத்தில் எல்லாம் முடிந்தது உண்மையா ? என்று.

2009 ஜுலையில் நான் சந்தித்த ஒரு சிங்கள ரிப்போட்டர் தான் நந்திக்கடலின் இந்த பக்கத்தில் இருந்தபோது(Embedded reporter) ஒரு கொமாண்டர் பெரியவரை பிடித்ததாக சொன்னார் என்றார்.

பின்பு ஒரு இந்திய அரசியல்வாதியும் பத்திரிகையாளர் ஒருவரும் ஜோர்டானில் அவ்வேளையில் இருந்த மகிந்த ராஜபக்‌ஷவிடம் தொடர்பு கொண்டபோது அவரும் மறுத்ததாகவும் அறிந்தேன் .

இவைகள் உண்மையானவை. ஆனால் , விக்கிலீக்ஸிடம் கிடைத்தது போல் என்னிடம் ஒரு Chelsea Manning எந்த கோப்பையும் தரவில்லை

பத்திரிகை நடத்திய போது தவிர்க்க முடியாது வந்த சந்தர்ப்பங்களால் உளவுத்துறைகள் இயங்கும் முறையை அறிய நேர்ந்தது.

அதேபோல் இலங்கையில் அரசின் அதிகாரிகள் மற்றும் இயக்கத்தை சேர்ந்தவர்களுடன் பழகியபோது தெரிந்து கொண்ட தகவல்கள் இங்கு நாவலாகிறது

இவைகளை வைத்து நான் ஒரு கதை சொல்ல முயற்சித்தேன்.

இது ஒரு நாவலா என்பதற்கு என்னிடம் பதிலிருக்கிறது. இலங்கையில் நடந்த போரினால் பாதிக்கப்பட்டவர்கள் பலர் வந்து இங்கு தங்கள் கதையை மட்டுமல்ல தங்கள் மனங்களில் நினைத்தவற்றை சொல்கிறார்கள் . 1958 காலத்தில் இருந்து தமிழினத்தின் வரலாறு வருகிறது.
நான் ஒரு பத்திரிகையாளராக செய்தியை எழுதும்போது அதற்காக இரண்டு பக்கமும் ஆராய்ந்து நடு நிலையாக எழுதவேண்டும். நான் கற்பனை செய்யும்போது அந்தக் கட்டாயம் இல்லை . கற்பனையில் ஒழுக்கம் மீறலாம்.வன்முறையில் ஈடுபடலாம் அதற்கான உரிமை கதை சொல்பவனுக்கு காலம் காலமாக அளிக்கப்பட்டுள்ளது.

எனது நாவலில் காதாநாயகன் கதாநாயகி மட்டுமல்ல. நியாஸ் முஸ்லீம் பாத்திரம் தனது துணுக்காய் வதைமகாமின் சித்திரவதைக் கதையை சொல்கிறது . சிங்கள இராணுவ அதிகாரிகள் இருவர் தனது கதையை கூறுகிறார்கள். அதேபோல் கார்த்திகா என்ற போராளி -செல்வி என்ற கரும்புலி தங்கள் வரலாற்றை கூறுகிறார்கள். பலர் கதை சொல்கிறார்கள் .

இந்த நாவலில் வழிகாட்டும் கதாபாத்திரமாக ஆவியொன்று வருகிறது. பெற்றோர்கள் உறவினர்களின் நினைவுகள் எப்படி நாம் இடம்பெயர்ந்த பின்பும் வழி நடத்தமுடியும் என்பது ஒரு மாயா யதார்த்தமான பரீட்சார்தமான முயற்சி. எனது அசோகனின் வைத்தியசாலையில் கொலிங்வுட் என்ற பூனை மனச்சாட்சியின் குரலாக இயங்குவது போல் கானல் தேசத்தில் ஒரு பாட்டியின் ஆவி இயங்குகிறது.

அரசியலாக இந்த நாவல் எழுதப்பட்டாலும் இங்கு அழகியல் உள்ளது. அது ஆழமாக இருக்கிறது.
–0—

இந்த ஏற்புரை விரைவாக விமானத்தைப் பிடிக்க சென்றதால் கான்பராவில் பேசமுடியவில்லை

Advertisements

About noelnadesan

Commentator and analyst of current affairs.
This entry was posted in Uncategorized. Bookmark the permalink.

1 Response to கானல் தேசம் ஏற்புரை – கான்பராவில் பேசவிருந்தது.

  1. Branap சொல்கிறார்:

    ஆக மொத்தத்தில் இந்திய அனுசரணையுடன் இயங்கியிருக்கிறீர்கள். சேமித்து வையுங்கள். பிற்காலத்தில் தமிழரின் உரிமைகளுக்காக போராடியதாக சொல்லமுடியாது. பல வருடங்களுக்கு முன்பு எனக்கு ஒரு இரண்டு ஆண்டு புலமை பரிசில் ஒன்றை இந்தியாவை கற்பதற்காக வாய்ப்பு வந்தது. புலமை பரிசல் பல்கலைக்கழகம் ஏற்றுக்கொண்டு மருத்துவ பரிசோதனை முடிந்து விசா நேர்முகத்தேர்வு நடந்தது. என்னுடன் வடக்கு கிழக்கைசேர்ந்த ஏறத்தாழ இருப்பது பேர் வந்திருந்தார்கள்.
    அங்கே ஒரு தமிழ் அதிகாரி தமிழ் நாட்டை சேர்ந்தவர் எனக்கு கேட்ட கேள்விகள் எல்லாம் வடக்கு கிழக்கு அரசியல் பற்றி. நான் அதற்க்கு ஏன் பதில் சொல்லமுடியாது என்பதை விளக்கினேன். ஆனால் அவர் அதை ஏற்றுக்கொள்ள வில்லை. நான் கேட்டதற்கு பதில் சொல்லுங்கள். உங்களுக்கு சிபாரிசுசெய்கிறேன் என்றார். எனது வாயால் அந்த விடயங்களை உங்களுக்கு சொல்ல வேண்டிய தேவை இல்லை என்று சொல்லி வெளியேறினேன். எதிர்பார்த்தபடியே விசா நிராகரிக்கப்பட்டது. எனக்கு இன்றுவரை ஒரு நாட்டமும் இல்லை. பின்னர் அமெரிக்கா வரையும் பயணம்செய்து வந்துவிட்டேன். ஏன் இதை சொல்கிறேன் என்றால் இந்தியாவை பந்தம் பிடிப்பது என்பது இந்திய ஆளும்வர்க்கத்தின் தயவில் எல்லா நன்மைகளையும் அடையலாம் என்று மனப்பால் குடிப்பது போன்றது. சில காரர்களிடமும் சில புலம்பெயர் எழுத்தாளர்களிடமும் இந்த ஆசை உண்டு. ஆனால் அவர்களின் முக்கிய நோக்கம் தமிழருக்கு நன்மை செய்வதல்ல. மாறாக வடபகுதியை தாய்லாந்தின் பட்டாயா பகுதியாக மாற்றி தமிழர்களின் தனித்துவத்தை சிதைப்பது. ஏற்கனவே அந்த வேலையை துவங்கிவிட்டார்கள். இரண்டாவது இந்த போருக்கு பின்னரான காலப்பகுதி என்பது தமிழர்களில் உரிமை குரலை நசுக்கும் அஜெண்டா. இந்த விடயத்துக்கு பல புலம்பெயர் எழுத்தாளர்கள் துணை நிக்கிறார்கள் . அதற்கு காரணங்கள் பல.

    1. தமிழர்களிடையே காணப்படும் சீரழிந்த பிரதேசவாதம். இதைப்பற்றி நான் ஏற்கனவே எழுதியிருக்கிறேன். இதிலே பாதிக்கப்பட்ட நபர்கள் சிங்கள ஆதரவு நிலை எடுப்பதை புரிந்துகொள்கிறேன். ஆனால் அது சட்டியில் இருந்து அடுப்புக்குள் விழுந்த கதை போன்றது. அதன் விளைவுகள் இன்று கல்முனை வரை நீடிக்கிறது.

    2. Divide and Rule என்பது பிரித்தானியர்கள் கண்டறிந்த தந்திரம். அதை உலகில் அவர்களுக்கு பிறகு சிறப்பாக பயன்படுத்துவது சிங்களவர்கள். தமிழ் -சிங்கள , சிங்கள- முஸ்லீம், முஸ்லீம்-தமிழ் என்ற முரண்பாடுகளில் சிங்கள அரசும் அதன் ஆளும்வர்க்கமும்தான் முதன்மை ஆட்டக்கார்கள். இதை பல தமிழர்கள் விளங்கி கொள்வதில்லை. ஆனால் சிங்களவர்கள் அதிலே தெளிவாக இருக்கிறார்கள். ஏமாறும் தமிழர்கள் இருக்கும் வரை ஏமாற்றுபவன் இருந்துகொண்டே இருப்பான்.

    3. மிக முக்கியமானது தமிழர்களில் காணப்படும் Cultural Hegemony இதன் விளைவாக Technocrats எல்லோரும் intellectuals என்று எண்ணுவது. இல்லையென்றால் மருத்துவர்களை அடங்கிய தமிழ் பேரவையை தமிழர்களுக்கான அரசியல் அமைப்பு வரைபை எழுத பணித்து இருக்கமாட்டார்கள். இதன் விளைவாக மருத்துவர் எல்லோரும் வைத்தியம் செய்வதை விட்டு விட்டு ஊருக்கு போப்பாண்டவர் ஆகிவிடுகிறார்கள்.

    4. அடுத்தது பிழைப்புவாதம். நீங்கள் நடத்திய பத்திரிகையில் நடுநிலையாக செய்திகளை சொல்வதாக எழுதியிருந்தீர்கள். எனக்கு இப்போது சிரிப்பு வருவதில்லை. அந்த பத்திரிகை சிங்கள அரசை பலப்படுத்த வெளிநாட்டு ஊடகம் ஒன்று தேவை என்பதால் நடத்தப்பட்டது. அவளவுதான். உண்மையில் நீங்கள் நேர்மையாக செயல்பட்டு உள்ளீர்கள். ஒரு சிங்களவன் தனது அரசுக்கு சார்பாக பனி புரிகிறான். இதிலே நாங்கள் குறைபட எதுவும் இல்லை.

    5. தமிழர்கள் பலர் யாழ்ப்பாணத்தில் இருக்கும் வரையும் தமிழ், தேசம், உரிமை என்று கூவுவதையும் கொழும்பு அல்லது பேராதெனிய படிக்க சென்றுவிட்டால் வடபகுதி தமிழர்களை நக்கல் அடிப்பதையும் எனது வாழ்வில் கண்டிருக்கிறேன். காணாததை கண்டாலோ அல்லது பரந்த வாசிப்பும் Penetration sense இல்லாமலோ ஏற்படும் பாமர மனோநிலை. அதை குறித்து பரிதாப்படமுடியும். நான் யாழ் பல்கலையில் பின்னர் பேராதனையில் பின்னர் வெளிநாட்டில் சிறந்த பல்கலைக்கழகத்தில் படிக்கும் வாய்ப்பு பெற்று படித்தவன். அதுவும் பேராதெனியாவில் சிறப்பாக தேர்ச்சி அடைந்தவன். ஆனால் நீக்கமற நிறைந்து இருக்கும் இலைமறைகாயான இனவாதத்தை உணர அது எனக்கு தடையாக இல்லை. யாழ்ப்பாணத்தில் ஒழுங்காக உடைஉடுத்தாத பெண்கள் மத்தியில் கல்வி கற்றுவிட்டு பேராதெனியாவில் காணப்படும் நவீன உடையணிந்த பெண்கள், சகஜமாக பழகும் பெண்கள், வளாகங்கள் முழுவதும் சோடியாக திரியும் காதலர்களை கண்டால், யாழ்ப்பாண தமிழ் சமூகத்தில் ஏற்பட்டும் வெறுப்பும் ஆற்றாமையும் சேர்ந்து ஒருவித வெறுப்பை தோற்றுவிக்கிறது. அதன் நீட்சியாக மறைந்திருக்கும் இனவாதம் தெரியாமல் சிங்கள பண்பாட்டை விசுவாசிக்கிறார்கள் அவளவுதான். அது ஒரு உளவியல் சிக்கல்.

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out /  மாற்று )

Google photo

You are commenting using your Google account. Log Out /  மாற்று )

Twitter picture

You are commenting using your Twitter account. Log Out /  மாற்று )

Facebook photo

You are commenting using your Facebook account. Log Out /  மாற்று )

Connecting to %s

This site uses Akismet to reduce spam. Learn how your comment data is processed.