மெல்பனில்
முருகபூபதியின் சொல்லமறந்த கதைகள்
நூல் வெளியீட்டு அரங்கு

படைப்பிலக்கியவாதியும் பத்திரிகையாளருமான மெல்பனில் வதியும் திரு. லெ. முருகபூபதியின் புதிய புனைவிலக்கிய கட்டுரைத்தொகுதி சொல்லமறந்த கதைகள் நூல் வெளியீட்டு அரங்கு எதிர்வரும் 23-08-2014 ஆம் திகதி சனிக்கிழமை மாலை 3 மணியிலிருந்து 6 மணிவரையில் மெல்பனில் Dandenong Central Senior Citizens Centre ( No 10, Langhorne Street , Dandenong, Victoria – 3175) மண்டபத்தில் நடைபெறும்.
கலை, இலக்கிய ஆர்வலர் திரு. கந்தையா குமாரதாசன் தலைமையில் நடைபெறவுள்ள சொல்ல மறந்த கதைகள் நூல் தமிழ் நாடு மலைகள் பதிப்பகத்தின் வெளியீடாகும்.
இலங்கை – தமிழக – அவுஸ்திரேலியா – கனடா மற்றும் ஜெர்மனியில் வெளியாகும் இதழ்கள் – இணைய இதழ்கள் ஆகியனவற்றில் பதிவான படைப்புகளின் தொகுப்பு சொல்ல மறந்த கதைகள். இலங்கையில் நீடித்த போர்க்காலத்தில் அரசியலிலும் மூவீன மக்களிடத்திலும் ஏற்பட்ட மாற்றங்களை ஒரு ஊடகவியலாளனின் மனிதநேய – மனித உரிமைப் பார்வையில் இலக்கிய நயமுடன் பதிவுசெய்த புதிய தொகுப்பு நூல் சொல்ல மறந்த கதைகள்.
1972 காலப்பகுதியில் படைப்பு இலக்கியம் மற்றும் பத்திரிகைத்துறையில் பிரவேசித்த முருகபூபதியின் இருபதாவது நூல் சொல்ல மறந்த கதைகள். அன்பர்களும் – கலை, இலக்கிய தமிழ் ஊடக ஆர்வலர்களும் அன்புடன் அழைக்கப்படுகின்றனர்.
letchumananm@gmail.com
—0—